უკანონო ქმედებებით ჩვენს წინააღმდეგ ხელისუფლებამ ბრძოლა გამოაცხადა, - ამის შესახებ მაკა ასათიანმა და კოტე გოგელიამ ტელეკომპანია "მაესტროსთან" დაკავშირებით გავრცელებულ განცხადებაშია ნათქვამი.

ასათიანის და გოგელიას განცხადებას „ექსპრესნიუსი“ უცვლელად გთავაზობთ:

"მაესტროს" მიმართ სასამართლოს და საჯარო რეესტრის მიერ მიღებული უკანონო გადაწყვეტილებების პარალელურად ვრცელდება დეზინფორმაცია, რომ თითქოსდა  ჩვენთან მოლაპარაკება წილის გაყიდვის საკითხზე მიმდინაროებს.

მკაფიოდ და  გასაგებად გვსურს განვაცხადოთ, რომ სრულიად გამორიცხულია, განვიხილოთ და "მაესტროს" წილის გაყიდვის თაობაზე რაიმე შემოთავაზება მივიღოთ. "მაესტროს" წილი ჩვენს მიერ არ იყიდება. პირიქით, ვაფიქსირებთ, რომ ხელისუფლებამ თავისი უკანონო ქმედებებით ბრძოლა გამოგვიცხადა და ჩვენ იძულებული ვართ, ამ ბრძოლაში შევიდეთ, ეს გამოწვევა მივიღოთ.

ყველაფერს გავაკეთებთ, რომ ჩვენი და ამ ბრძოლაში მყოფი თითოეული ადამიანის კანონიერი ინტერესები დავიცვათ.

ვაფრთხილებთ ხელისუფლებას, რომ მედიასთან ბრძოლა საბოლოოდ არცერთ ხელისუფლებას არ მოუგია.

პირიქით, როგორც გამოცდილება აჩვენებს, ასეთი ბრძოლა ყოველთვის ხელისუფლების კრახით და კონკრეტული პოლიტიკური შედეგებით სრულდება. ჩვენ ძალიან ვწუხვართ იმაზე, რომ ხელისუფლება რომელიც მედიის ხელშეუხებლობის და სამართლიანობის აღდგენის ლოზუნგით მოვიდა, თვითონვე ამ ფასეულობების მთავარ ხელმყოფად გადაიქცა.

"მაესტრო" დარჩება დამოუკიდებელი და არასოდეს არც ერთი პოლიტიკური ან კერძო სუბიექტის ინტერესების გამტარებლად არ გადაიქცევა.

"მაესტროს" კარი თავისუფალი ადამიანებისთვის ყოველთვის ღია იქნება“, - წერია მაკა ასათიანის და კოტე გოგელიას განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე