ბათუმის საქალაქო სასამართლოსთან „ბათუმელებისა“ და „ნეტგაზეთის“ დამფუძნებლის, მზია ამაღლობელის პატიმრობაში დატოვებას აპროტესტებენ. აქციაში მედიის წარმომადგენლებთან ერთად პოლიტიკოსები და უფლებადამცველები მონაწილეობენ.

მათი თქმით, მზია ამაღლობელის პატიმრობა, უსამართლობა და პოლიტიკურად მოტივირებული გადაწყვეტილებაა.

„მზია არის ივანიშვილის პირადი პატიმარი, სინდისის პატიმარი. დარწმუნებულები იყავით, გაასმაგებულად ვიბრძოლებთ,“ – განაცხადა ჟურნალისტმა გელა მთივლიშვილმა.

აქციაზე ისმის შეძახილები: „რუსებო,“ „თავისუფლება მზიას!“

მომიტინგეების თქმით, მზია ამაღლობელის მიმართ პატიმრობის გამოყენება არა მოსამართლის, არამედ რეჟიმის გადაწყვეტილებაა.

ბათუმის საქალაქო სასამართლომ გადაწყვეტილება ცოტა ხნის წინ მიიღო. მოსამართლე ნინო სახელაშვილმა პროკურატურის მოთხოვნა დააკმაყოფილა და ჟურნალისტს აღკვეთის ღონისძიების სახით პატიმრობა შეუფარდა.

დარბაზში მოსამართლის გადაწყვეტილებას ხმაური და პროტესტი მოჰყვა.

მომდევნო სასამართლო სხდომა 4 მარტს გაიმართება.

ავტორი: ექსპრესნიუსი,

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ