"20 იანვრამდე გაქვთ დრო გამოუშვათ პოლიტპატიმრები. წამზომი ჩართულია და ათვლა დაწყებულია. ხომ ვერ გვხედავთ, ხომ ვერ ნახეთ რა არის თეატრი 20-დან გვიყურეთ, საინტერესო იქნება", - ამის შესახებ რეჟისორიმა დავით დოიაშვილმა განაცხადა.

ვასო აბაშიძის ახალი თეატრის განცხადება მისმა სამხატვრო ხელმძღვანელმა, დავით დოიაშვილმა წაიკითხა.

: „აქამდე ჩვენ ავირჩიეთ პროტესტის პასიური ფორმა. დღეს კი ვასო აბაშიძის სახელობის ახალი თეატრის დასი და მე, მისი სამხატვრო ხელმძღვანელი, დავით დოიაშვილი მოვითხოვთ ამავე თეატრის მსახიობის, ანდრო ჭიჭინაძის და სხვა პოლიტპატიმრების გუშინდელი გადაწყვეტილების გადახედვას და მათ გამოშვებას არაუგვიანეს 20 იანვრამდე იმის გამო, რომ დღემდე ვერ წარმოადგინეს და არც არსებობს მის მიმართ არანაირი მტკიცებულება, რაც მის სისხლის სამართლის დანაშაულს დაადასტურებს. ჩვენი მოთხოვნის არგათვალისწინების შემთხვევაში ჩვენ პასიური პროტესტიდან გადავალთ მოქმედებაზე და გაჩვენებთ, რეალურად რა ძალა აქვს ხელოვნებას. გპირდებით, თქვენ ვერ ნახავთ მორჩილ თეატრს. თქვენ უკვე ნახეთ გაჩერებული თეატრი, მაგრამ თქვენ არ გინახავთ თეატრი - ერთი რიგითი ჯარიკაცისთვის მებრძოლი. ჩვენ ვიქნებით ეს თეატრი. თავისუფლება ანდრო ჭიჭინაძეს და რეჟიმის პოლიტიკურ პატიმრებს".- წერია განცხადებაში.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია