2024-12-22 15:39:20, 45538 ნახვა
სპეციალური ანონსი
დღეს, 21:00 საათზე საქართველოს პრეზიდენტი რუსთაველის გამზირიდან ხალხს მიმართავს
დღეს, 22 დეკემბერს საქართველოს პრეზიდენტი სალომე ზურაბიშვილი თბილისში, რუსთაველის გამზირზე მივა.
ამის შესახებ ზურაბიშვილმა გუშინ, 21 დეკემბერს ორბელიანების სასახლეში გამართულ საგანგებო ბრიფინგზე განაცხადა.
პრეზიდენტის თქმით, 21:00 საათზე რუსთაველის გამზირიდან ხალხს მიმართავს.
შეგახსენებთ, თბილისსა და საქართველოს სხვა დიდ ქალაქებში 28 ნოემბრიდან უწყვეტი საპროტესტო აქციები მიმდინარეობს. ქვეყანა საპროტესტო ტალღამ მას შემდეგ მოიცვა, რაც პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.
ავტორი: ექსპრესნიუსი,
epn.ge (@expressnews.ge)
