2024-12-04 00:09:52, 440 ნახვა

---

პრეზიდენტი - ძალადობისა და რეპრესიების მეექვსე დღე - მშვიდობიან, პროევროპელ დემონსტრანტებს „ომონი“ ძალადობრივად არბევს

მშვიდობიან, პროევროპელ დემონსტრანტებს ძალადობრივად არბევს „ომონი“,- ამის შესახებ საქართველოს პრეზიდენტი სალომე ზურაბიშვილი თბილისში, რუსთაველის გამზირზე მიმდინარე საპროტესტო აქციასთან დაკავშირებით სოციალურ ქსელში წერს.

როგორც პრეზიდენტი X-ზე წერს, აქციაზე მომიტინგეების წინააღმდეგ, „ცრემლმდენი გაზი და წყლის ჭავლი არაპროპორციულად გამოიყენეს“.

„განათლების სამინისტრო ხსნის ცხელ ხაზს ინფორმატორებისთვის, რომლებიც მიაწვდიან ცნობებს, მათ შესახებ, ვინც სასწავლო პროცესს ხელს უშლის... სსრკ დაბრუნდა? მშვიდობიან, პროევროპელ დემონსტრანტებს ძალადობრივად არბევს „ომონი“. ცრემლმდენი გაზი და წყლის ჭავლი არაპროპორციულად გამოიყენეს. მასობრივი დაკავებები და არასათანადო მოპყრობა“,- წერს პრეზიდენტი.

ზურაბიშვილი პროტესტის მეექვსე დღეს „ძალადობისა და რეპრესიების“ დღეს უწოდებს და ვიდეოკადრებს აქვეყნებს.

„ძალადობისა და რეპრესიების მეექვსე დღე“,- წერს პრეზიდენტი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი