თბილისის სახელმწიფო უნივერისტეტთან საპროტესტო აქცია იმართება.

უნივერსიტეტის მე-11 კორპუსთან შეკრებილი სტუდენტები ადმინისტრაციისგან სასწავლო პროცესის შეჩერების გადაწყვეტილების მიღებას მოითხოვენ.

„ჩვენ გვინდა, რომ გავაგონოთ მთელ ქვეყანას ჩვენი ხმა. ჩვენ თბილისის სახელმწიფო უნივერსიტეტის სტუდენტები ვითხოვთ, დროებით შეწყდეს სასწავლო პროცესი.

ვემიჯნებით მიმდინარე პროცესებს. ჩვენ ვირჩევთ ევროპას და ვიბრძვით ჩვენი ევროპული მომავლისთვის. ჩვენი იარაღი ახლა არის ჩვენი ხმა, რომლითაც ბოლომდე ვიბრძოლებთ ევროპული, თავისუფალი მომავლისთვის“,- განაცხადა სახელმწიფო უნივერსიტეტის სტუდენტმა.

შეგახსენებთ, თბილისთან ერთად, საპროტესტო აქციები ქვეყნის სხვადასხვა დიდ ქალაქში მიმდინარეობს. არაერთი ქალაქი პროტესტმა მას შემდეგ მოიცვა, რაც 28 ნოემბერს, პრემიერ-მინისტრმა, ირაკლი კობახიძემ „ქართული ოცნების“ გადაწყვეტილება გაახმოვანა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა