„საქართველოს ბანკის“ ESG მიმართულების ხელმძღვანელმა გაეროს კლიმატის ცვლილების კონფერენციაზე (COP29) პანელურ დისკუსიებში მიიღო მონაწილეობა

2024-11-20 11:43:26, 395 ნახვა

საზოგადოება

„საქართველოს ბანკის“ ESG და მდგრადობის მიმართულების ხელმძღვანელმა, ანა ოსაძემ გაეროს კლიმატის ცვლილების ჩარჩო კონვენციის (COP29) მხარეთა 29-ე კონფერენციაზე, ორ პანელურ დისკუსიაში მონაწილეობდა.

პირველი პანელური დისკუსია - „ფინანსური სექტორის წვლილის ზრდა კლიმატის ტრანზიციის პროცესში განვითარებად ბაზრებსა და ეკონომიკებში“ მსოფლიო ბანკის ორგანიზებით გაიმართა. ამ შეხვედრაზე ანა ოსაძემ „საქართველოს ბანკის“ პრაქტიკაზე ისაუბრა მდგრადი დაფინანსების მიმართულებით. მან მიმოიხილა ის გამოწვევები, რომლებიც მონაცემების ნაკლებობას უკავშირდება. მისი საუბარი, ასევე, შეეხო მთავარ გამოწვევებსა და შესაძლებლობებს, რომლებიც მდგრადი დაფინანსების კუთხით არსებობს და განიხილა სამომავლო გეგმებიც, რომლებიც ბანკს მდგრადობის მიმართულებით აქვს განსაზღვრული.

ამ დისკუსიაში მონაწილეობას იღებდნენ:

სატოში იკედა, იაპონიის ფინანსური სერვისების სააგენტოს უფროსი მდგრადი ფინანსების მიმართულებით,
კონსტანცა შალშა, BPN Paribas-ის მდგრადი კორპორაციული და ინსტიტუციური საბანკო მიმართულების ხელმძღვანელი
მაიტე პინა, Lendable-ის მდგრადი დაფინანსების ხელმძღვანელი.

მეორე პანელურ დისკუსიაზე - „მდგრადი დაფინანსება: გამჭვირვალობა და ანგარიშგება“, ანა ოსაძემ „საქართველოს ბანკში“ დანერგილი ინიციატივების შესახებ ისაუბრა. პანელი ორგანიზებული იყო გაეროს გლობალური შეთანხმების საქართველოს ქსელის მიერ.

პანელური დისკუსის მონაწილეებმა მკაფიო ანგარიშგების, რეგულაციების შესაბამისობისა და მდგრად დაფინანსებაში პასუხისმგებლიანი ინვესტირების პრაქტიკების შესახებ იმსჯელეს.

სესიაზე ასევე განხილული იყო საუკეთესო პრაქტიკები, გამოწვევები და ახალი სტანდარტები, რომლებიც აძლიერებს ანგარიშვალდებულებას და ორგანიზაციებს მდგრადი ფინანსური ინიციატივების განხორციელებაში ეხმარება.

ამ პანელზე მონაწილეობა მიიღო გაეროს გლობალური შეთანხმების აზერბაიჯანის ქსელის ქვეყნის მენეჯერმა, სამირ მამადოვმა, აზერბაიჯანის მეწარმეობის განვითარების ფონდის აღმასრულებელმა დირექტორმა, ოსმან ხალიევმა, თურქეთის განვითარების საინვესტიციო ბანკის აღმასრულებელმა დირექტორმა, იბრაჰიმ ოზთოფმა და Freedom Holding Corp-ის მდგრადობის მთავარმა ოფიცერმა ბაგლანა მუსინამ.

"მოხარული ვარ, რომ მქონდა შესაძლებლობა, მონაწილეობა მიმეღო გაეროს კლიმატის ცვლილების ჩარჩო კონვენციის (COP29) მხარეთა 29-ე კონფერენციაში და ვყოფილიყავი ორი ძალიან საინტერესო და მნიშვნელოვანი დისკუსიის სპიკერი. მდგრადი დაფინანსების საკითხი დროთა განმავლობაში განსაკუთრებულ მნიშვნელობას იძენს. იგი დაკავშირებულია გამჭვირვალობისა და ანგარიშვალდებულების კულტურის ჩამოყალიბებასთან, რომელიც ორგანიზაციებს მდგრადობასა და დადებითი გარემოსდაცვითი და სოციალური გავლენის მოხდენაში გვეხმარება. პანელურ დისკუსიაში ჩვენ ვისაუბრეთ მკაფიო, სტანდარტიზებული ანგარიშგების და მდგრადი ფინანსური ეკოსისტემის შექმნაზე. ასევე, მდგრადი ინვესტიციების როლზე. „საქართველოს ბანკში“ გვჯერა, რომ როგორც კერძო, ისე საჯარო სექტორისა და სამოქალაქო საზოგადოების თანამშრომლობით, შესაძლებელი გახდება მდგრადი ფინანსური ეკოსისტემის ჩამოყალიბება“, - ამბობს ანა ოსაძე.

ინფორმაციისთვის, „საქართველოს ბანკში“, ESG სტრატეგია ბიზეს სტრატეგიის ნაწილია, რაც იმას ნიშნავს, რომ ფინანსური ინსტიტუტი ESG კრიტერიუმებს ითვალისწინებს როგორც ბიზნეს დაკრედიტების, ისე შემდგომი მონიტორინგის, შესყიდვებისა თუ თანამშრომლებთან ურთიერთობის დროს.

Patreon P მხარი დაუჭირე "ექსპრესნიუსს" →

ავტორი: R (რეკლამა),