"სხდომა დამთავრდა შედეგიანად, ფრაქციის ყველა წევრმა აღიარა, რომ  მეოთხე კრიტერიუმი, რაც წარადგინეს, არასწორად გაგებული და წარდგენილი იყო",-ამის შესახებ ფრაქცია "ქართული ოცნების" წევრმა ზაქარია ქუცნაშვილმა  კოალიცია "ქართული ოცნების" ცენტრალურ ოფისთან ჟურნალისტებს ფრაქციის სხდომის დასრულების შემდეგ  განუცხადა.
სხდომაზე უზენაესი სასამართლოს თავმჯდომარეობის კანდიდატის შერჩევის პროცესთან დაკავშირებით  საპარლამენტო უმრავლესობის პრეტენზიები განიხილეს.
"სხდომა დამთავრდა შედეგიანად.ფრაქციის ყველა წევრმა აღიარა, რომ ის მეოთხე კრიტერიუმი, რაც იქნა წარდგენილი, არის არასწორად გაგებული და წარდგენილი. მეოთხე კრიტერიუმში იმის მოსაზრება, რომ პოლიტიკური ზეგავლენის ქვეშ მყოფ ადამიანში ვიგულისხმოთ პარტიის, პარლამენტის, ან ადგილობრივი ხელისუფლების წევრი, ეს არის დიკსრიმინაციული მიდგომა.ამიტომაც, ყველამ გაიზიარა, რომ ეს კრიტერიუმი თავისი არსით იყო არასწორად გაგებული და აქედან გამომდინარე იყო ეს პრობლემა",-განაცხადა ზაქარია ქუცნაშვილმა.
ცნობისთვის, საქართველოს უზენაესი სასამართლოს თავმჯდომარის კანდიდატურის შერჩევის პროცესთან დაკავშირებით, გუშინ  საპარლამენტო უმრავლესობის 19-მა დეპუტატმა განცხადება გაავრცელა. ისინი პრეზიდენტ მარგველაშვილთან კონსულტაციების შედეგად შეჯერებულ კრიტერიუმებს აპროტესტებენ და მიიჩნევენ, რომ  კანდიდატურის არაკონსტიტუციური კრიტერიუმით შერჩევა ხდება. ამასთან, მათივე მტკიცებით, უზენაესი სასამართლოს თავმჯდომარეობის კანდიდატთა შერჩევის დამატებითი კრიტერიუმები უმრავლესობის ფარგლებში არც განხილული და არც შეთანხმებული არ ყოფილა. " უმრავლესობის წევრები ამის შესახებ პოსტ-ფაქტუმ ვიგებთ",-ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც