საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში საგრანტო კონკურსით დაინტერესებული არასამთავრობო ორგანიზაციებისთვის  ღია კარის დღე გაიმართა.

ლტოლვილთა და განსახლების სამინისტროს ინფორმაციით, საგრანტო კონკურსი, საარსებო წყაროებით უზრუნველყოფის მიზნით, სამინისტრომ მიმდინარე წლის 1-ელ თებერვალს გამოაცხადა.

მათივე ცნობით, მინისტრის პირველმა მოადგილემ გრიგოლ გიორგაძემ არასამთავრობო ორგანიზაციების წარმომადგენლებს მადლობა გადაუხადა შეხვედრაში მონაწილეობისთვის და აღნიშნა, რომ არასამთავრობო სექტორთან თანამშრომლობა ძალიან მნიშვნელოვანია დევნილთა საარსებო წყაროებით უზრუნველყოფის საკითხების მოგვარებისთვის.

ღია კარის დღეზე არასამთავრობო ორგანიზაციების წარმომადგენლებმა კონკურსის ირგვლივ არსებული შეკითხვები და მოსაზრებები გამოთქვეს. საუბარი შედგა, საგრანტო კონკურსის პირობებზე, პრიორიტეტულ მიმართულებებსა და პროცედურებზე. სსიპ დევნილთა საარსებო წყაროებით უზრუნველყოფის სააგენტოს დირექტორმა ირაკლი უჯმაჯურიძემ და სააგენტოს წარმომადგენლებმა ამომწურავი ინფორმაცია მიაწოდეს ყველა დაინტერესებულ მხარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან