2024-10-29 15:12:51, 448 ნახვა
პოლიტიკა
ბაიბა ბრაჟე - ლატვია საქართველოს შესახებ ევროკავშირის 13 წევრი ქვეყნის განცხადებას უერთდება
ლატვია უერთდება საქართველოს შესახებ ევროკავშირის 13 წევრი ქვეყნის განცხადებას,- ამის შესახებ ლატვიის საგარეო საქმეთა მინისტრი ბაიბა ბრაჟე სოციალურ ქსელ X-ზე წერს.
ბრაჟე დოკუმენტში არჩევნებზე გამოვლენილი დარღვევების აღწერის საკითხზე ეჭვს გამოთქვამს.
"ლატვია შეუერთდა საქართველოს შესახებ განცხადებას, მიუხედავად ეჭვისა, რომ ის ძალიან სუსტია საარჩევნო დარღვევების სერიოზულობის აღწერაში",- წერს ბრაჟე.
შეგახსენებთ, ევროკავშირის წევრი 13 ქვეყნის საგარეო საქმეთა და ევროპის საკითხთა მინისტრებმა საქართველოში გამართული არჩევნების საკითხზე ერთობლივი განცხადება გუშინ, 28 ოქტომბერს გაავრცელეს.
ავტორი: ექსპრესნიუსი,
epn.ge (@expressnews.ge)
