2024-09-30 15:23:57, 457 ნახვა
მსოფლიო
გაერო - ისრაელის ავიადარტყმების გამო, ბოლო დღეებში ლიბანიდან სირიაში 100 ათასზე მეტი ადამიანი გადავიდა
ისრაელის ავიადარტყმების გამო, ბოლო დღეებში ლიბანიდან სირიაში 100 ათასზე მეტი ადამიანი გადავიდა, - ამის შესახებ გაეროს ლტოლვილთა უმაღლესმა კომისარმა, ფილიპო გრანდიმ განაცხადა.
გრანდიმ აღნიშნა, რომ გაეროს თანამშრომლები იძულებით გადაადგილებული პირების დახმარებას 4 სასაზღვრო-გადასასვლელ პუნქტზე უზრუნველყოფენ.
"ნაკადი გრძელდება", - განაცხადა გრანდიმ.
ლიბანის მთავრობის მონაცემებით, ლიბანიდან სირიაში გადასულ პირებს შორის 36 ათასი სირიელი და 41 ათასზე მეტი ლიბანელია.
ავტორი: ექსპრესნიუსი,
epn.ge (@expressnews.ge)
