2024-09-30 14:27:17, 414 ნახვა
მსოფლიო
ნაიმ ყასემი - „ჰეზბოლა“ ისრაელის მხრიდან სახმელეთო ოპერაციის დაწყებისთვის მზად არის
“ჰეზბოლა“ ისრაელის მხრიდან სახმელეთო ოპერაციის დაწყებისთვის მზად არის - ისრაელი თავის მიზნებს ვერ მიაღწევს,- ამის შესახებ ლიბანური დაჯგუფება “ჰეზბოლას“ ხელმძღვანელის მოადგილემ, ნაიმ ყასემმა განაცხადა.
ნაიმ ყასემის თქმით, “ისრაელის ძალები ამერიკის შეერთებული შტატების მხარდაჭერით მშვიდობიან მოსახლეობას კლავენ“.
“ჰეზბოლას“ წარმომადგენლის თქმით, დაჯგუფება გენერალურ მდივანს რაც შეიძლება სწრაფად, არსებული მექანიზმის მიხედვით შეარჩევს.
"ბრძოლა შეიძლება იყოს ხანგრძლივი და ჩვენთვის ვარიანტები ღიაა. ჩვენ მზად ვართ, თუ მტრის არმია შემოიჭრება სახმელეთო გზით, რადგან წინააღმდეგობის ძალები მზად არიან სახმელეთო ბრძოლისთვის",- ამბობს ყასემი.
ავტორი: ექსპრესნიუსი,
epn.ge (@expressnews.ge)
