ათასობით ევროპელ ტურისტს  საშუალება ექნება, ესტუმროს საქართველოს მომავალი წლის განმავლობაში, ჩვენს მომხმარებლებს ხელმისაწვდომ ფასებს შევთავაზებთ, - ამის შესახებ ავიაკომპანია easyJet-ის აეროპორტების განვითარების მენეჯერმა გარი ბატლერმა საქართველოში ფრენების დაწყებასთან დაკავშირებით განაცხადა.

მან easyJet-ის საქართველოში ოპერირების დაწყებასთან დაკავშირებით ყველა ჩართულ მხარეს გაწეული ერთობლივი ძალისხმევისთვის მადლობა გადაუხდა.

"easyJet-ის მიერ საქართველოში ოპერირების დაწყება არის ყველა ჩართული მხარის ერთობლივი ძალისხმევის დადასტურება და მოხარული ვარ, რომ დღეს ევროპის სამი მიმართულებით პირდაპირი ფრენების დაწყების დადასტურება შემიძლია. გადაწყვეტილება წინა ღამეს ნამდვილად არ მიგვიღია. ჩვენ გარკვეული ძალისხმევის და სამუშაოების ჩატარება მოგვიხდა. საქართველოს იქნება 37-ე ქვეყანა, რომელიც ჩვენს ბაზას დაემატება და ამით გაფართოვდება ჩვენი ევროპული ქსელი. 

ვიმედოვნებ, რომ მომეცემა საშუალება, რამდენიმე საათით ტურისტად ვიგრძნო თავი თქვენს ქალაქში და განვიცადო ის სტუმართმოყვარეობა, რომელზეც ამდენი მსმენია. ათასობით ევროპელ ტურისტს ექნება საშუალება, ესტუმროს საქართველოს მომავალი წლის განმავლობაში. ჩვენ არა მხოლოდ ჟენევას, ლონდონსა და მილანს შევთავაზებთ საქართველოსა და თბილისს, როგორც ახალ ტურისტულ ლოკაციას, არამედ თქვენს მოქალაქეებსაც მიეცემათ საშუალება, რომ ხელმისაწვდომ ფასად ესტუმრონ ჟენევას, ლონდონსა და მილანს", - განაცხადა გარი ბატლერმა.

პირველი ავიარეისი ჟენევიდან თბილისის მიმართულებით 2025 წლის 31 მარტს შესრულდება. ამ მიმართულებაზე ავიაკომპანია კვირაში ორი სიხშირით იფრენს. პირველი აპრილიდან კი პირდაპირი ფრენები ლონდონისა მილანის მიმართულებით დაიწყება. ლუტონისა და მილანის მალპენსას აეროპორტებიდან ფრენები დაემატება 

"ჩვენ 186-ადგილიანი თვითმფრინავები შემოგვყავს საქართველოში. თბილისის მიმართულებით ავიაკომპანია „იზიჯეტის“ A320 neo ტიპის თვითმფრინავი იფრენს. ხელმისაწვდომ ფასებს შევთავაზებთ ჩვენს მომხმარებლებს. მაგალითად, 91 ევრო იქნება თბილისი-ლონდონი-თბილისის ფასი და მე ველოდები, რომ მომავალ წელს მოგვეცემა საშუალება, აღვნიშნოთ პირველი რეისის წარმატებით შესრულება", - აღნიშნა გარი ბატლერმა.

ავტორი: NS (სტატია დაფინანსებულია),

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო