2016-02-16 21:50:38, 663 ნახვა
საზოგადოება
აღმაშენებლის გზატკეცილზე მომხდარი ინციდენტის ახალი დეტალები
აღმაშენებლის გამზირზე მომხდარი ინციდენტის შედეგად ერთი მოკლული და ერთი დაჭრილია.
ძმებ ბერიშვილებს ხუთი პირი ბენზინგასამართი სადგურის ოფისში დაესხა თავს. ერთი ძმა მიყენებული ცეცხლნასროლი ჭრილობებისგან ადგილზე გარდაიცვალა.
თავდამსხმელებმა თავი დიღმის ტყეს შეაფარეს. ინციდენტში მონაწილე პირებიდან, სავარაუდოდ, ორი პოლიციამ ცხელ კვალზე დააკავა.
დიღომში მომხდარ შეიარაღებულ თავდასხმაზე გამოძიება "სისხლის სამართლის კოდექსის" 108-ე მუხლით დაიწყო, რაც განზრახ მკვლელობას გულისხმობს.
გამოძიება ამ ეტაპზე 3 გაქცეულ ეჭვმიტანილს ეძებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
