2024-07-09 14:01:44, 628 ნახვა
მსოფლიო
ტრამპი - ბაიდენი საპრეზიდენტო რბოლაში დარჩება, მას დიდი ეგო აქვს
მას დიდი ეგო აქვს და საქმეს არ მიატოვებს,- ამის შესახებ ამერიკის შეერთებული შტატების პრეზიდენტობის კანდიდატმა, დონალდ ტრამპმა Fox News-ის წამყვან შონ ჰანიტისთან სატელეფონო ინტერვიუში მოქმედ პრეზიდენტზე, ჯო ბაიდენზე საუბრისას განაცხადა.
ექსპრეზიდენტის თქმით, თუ ბაიდენი საპრეზიდენტო რბოლას გამოეთიშება, "დემოკრატების" კანდიდატი, აშშ-ის ვიცე-პრეზიდენტი კამალა ჰარისი იქნება.
"მას დიდი ეგო აქვს და საქმეს არ მიატოვებს. მას ამის გაკეთება არ სურს... ვფიქრობ, თუ ბაიდენი რბოლას გამოეთიშება, კანდიდატი კამალა ჰარისი იქნება. მათ სხვა გზა უბრალოდ არ აქვთ, რადგან სხვა შემთხვევაში ხმებს ვერ მიიღებენ",- აღნიშნა ტრამპმა.
შეგახსენებთ, ამერიკის შეერთებული შტატების საპრეზიდენტო არჩევნები 5 ნოემბერს გაიმართება.
ავტორი: ექსპრესნიუსი,
epn.ge (@expressnews.ge)
