2024-07-04 11:52:12, 408 ნახვა
მსოფლიო
თეთრი სახლის პრესმდივანი - ბაიდენი არჩევნებზე კანდიდატურის მოხსნას არ განიხილავს
თეთრმა სახლმა ოთხშაბათს განაცხადა, რომ პრეზიდენტი ჯო ბაიდენი არ განიხილავს არჩევნებზე კანდიდატურის მოხსნას. ამის შესახებ ინფორმაციას CNN ავრცელებს.
CNN წყაროზე დაყრდნობით წერს, რომ ბაიდენმა თავის გუნდს განუცხადა, რომ ის იყრის კენჭს და ვერავინ უბიძგებს საპირისპიროსკენ.
თეთრი სახლის პრესმდივანმა, კარინ ჟან-პიერმა კითხვაზე საპასუხოდ კი თქვა, რომ ჯო ბაიდენი კანდიდატურის მოხსნის საკითხს "აბსოლუტურად არ განიხილავს".
"მე ვარ "დემოკრატიული პარტიის" კანდიდატი. არავინ მიბიძგებს. ვერავინ გამაგდებს. არ მივდივარ. მე ამ რბოლაში ვარ ბოლომდე და ჩვენ ვაპირებთ გავიმარჯვოთ, რადგან როდესაც "დემოკრატები" ერთიანდებიან, ჩვენ ყოველთვის ვიმარჯვებთ", - განაცხადა ბაიდენმა.
ავტორი: ექსპრესნიუსი,
epn.ge (@expressnews.ge)
