სირიის ჩრდილო-დასავლეთ რეგიონში მდებარე ჰოსპიტალი, რომელთანაც ორგანიზაცია "ექიმები საზღვრებს გარეშე" თანამშრომლობდა, ავიაიერიშის შედეგად განადგურდა, - ამის შესახებ ინფორმაციას BBC ავრცელებს.

როგორც BBC იუწყება, ავიაიერიშის შედეგად 10 ადამიანი გარდაიცვალა. ამ დრომდე უცნობია, თუ ვინ არის მომხდარზე პასუხისმგებელი. თუმცა, როგორც მონიტორინგის ერთ-ერთმა ჯგუფმა განაცხადა, პასუხისმგებელი რუსული საჰაერო ძალებია.

აღსანიშნავია, რომ იერიშები საავადმყოფოზე მას შემდეგ განხორციელდა, რაც რუსეთი და მსოფლიოს წამყვანი ქვეყნები სირიაში სამხედრო ოპერაციის შეჩერებაზე შეთანხდნენ.

ცნობისთვის, სირიაში ხუთწლიან ომს ამ დრომდე 250 000 ადამიანი შეეწირა. 11 მილიონზე მეტი მოქალაქე კი იძულებით გადაადგილებულ პირად იქცა.

პარალელურად, სირიის ჩრდილოეთში თურქეთი ქურთ მებრძოლებზე სარაკეტო იერიშებს უკვე მეორე დღეა განაგრძობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება