2024-06-03 15:12:47, 449 ნახვა
მსოფლიო
ჩეხეთში მეხის დაცემის შედეგად 18 ადამიანი დაშავდა
ჩეხეთში, პარკში მდებარე ხეს, რომლის ქვეშაც მოქალაქეები წვიმისგან თავს აფარებდნენ, მეხი დაეცა. BBC-ის ცნობით, ამის შესახებ ადგილობრივ სასწრაფო დახმარების სამსახურში განაცხადეს.
როგორც BBC წერს, მომხდარის შედეგად 18 ადამიანი დაშავდა, ერთ-ერთი დაშავებული ვერტმფრენით პრაღის საავადმყოფოში გადაიყვანეს, 17 დაშავებული კი, ადგილობრივ ჰოსპიტალში მკურნალობს.
შემთხვევა ლიბერეცის რეგიონში, ვრატისლავიცეს სასახლის პარკში მოხდა, სადაც საბავშვო ღონისძიება იმართებოდა.
ავტორი: ექსპრესნიუსი,
epn.ge (@expressnews.ge)
