ჩვენ, „ერთიანი ნაციონალური მოძრაობის“ ფრაქცია და ოპოზიციის უმრავლესობა, არ ვაპირებთ ამ რეჟიმში ჩვეულებრივი საქმიანობის გაგრძელებას, გავდივართ ბოიკოტის რეჟიმში და უახლოეს პერიოდში, როგორც საპარლამენტო, ასევე არასაპარლამენტო ოპოზიციის წარმომადგენლებთან ერთად, საბოლოო გეგმას გავაცნობთ საზოგადოებას, - ამის შესახებ ერთიანი „ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა „უცხოური გავლენის გამჭვირვალობის შესახებ“ კანონპროექტის დამტკიცების შემდგომ განაცხადა.

ბეჟაშვილის განცხადებით, ასეთ ვითარებაში ქვეყანაში მხოლოდ რამდენიმე ინსტიტუცია რჩება, ეს არის - საქართველოს პრეზიდენტის ინსტიტუცია და საპარლამენტო ოპოზიცია.

„ივანიშვილმა ქვეყანაში გააფორმა რუსული რეჟიმი. ამ კანონის მიღება ნიშნავს ქვეყანაში ავტოკრატიული რეჟიმის გაფორმებას, ამიტომ დღეს ქვეყანაში აღარ დარჩა ლეგიტიმური ხელისუფლება, რომელიც წარმოადგენს ხალხის ინტერესს. ასი ათასობით ხალხი დღეს დგას საქართველოს დედაქალაქში, რეგიონებში, სოფლებში, ყველა აპროტესტებს რუსული კანონის მიღებას და შესაბამისად, რუსული რეჟიმის გაფორმებას. ამიტომ, როდესაც ასეთი ვითარება არის, ქვეყანაში რჩება მარტო რამდენიმე ინსტიტუცია, ეს არის საქართველოს პრეზიდენტის ინსტიტუცია და საპარლამენტო ოპოზიცია, რომელიც წარმოადგენს დღეს ხალხის ხმას და ხალხის ინტერესებს. ამ რეჟიმში, როდესაც ქვეყანაში რუსული რეჟიმი, გაფორმდა, წარმოუდგენელია ნორმალური საპარლამენტო მუშაობა და დღეს ვიხილეთ, რომ  საპარლამენტო უმრავლესობა პრაქტიკულად პოლიციის გაგრძელება იყო საპარლამენტო დარბაზში, როდესაც არც ერთ დეპუტატს ოპოზიციიდან არ აძლევდნენ ნორმალურად გამოსვლის საშუალებას, ამიტომ ჩვენ „ერთიანი ნაციონალური მოძრაობის“ ფრაქცია და ოპოზიციის უმრავლესობა არ ვაპირებთ ამ რეჟიმში ჩვეულებრივი საქმიანობის გაგრძელებას, გავდივართ ბოიკოტის რეჟიმში და უახლოეს პერიოდში, როგორც საპარლამენტო, ასევე არასაპარლამენტო ოპოზიციის წარმომადგენლებთან ერთად, საბოლოო გეგმას გავაცნობთ საზოგადოებას თუ როგორ ვაპირებთ რუსული რეჟიმის პირობებში შემდგომ პოლიტიკურ საქმიანობას“, - განაცხადა ლევან ბეჟაშვილმა.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.