ე.წ. რუსული კანონის წინააღმდეგ გამართული საპროტესტო აქციების გაშუქებისას სპეცრაზმელების სამიზნედ კიდევ 10 ჟურნალისტი და ოპერატორი იქცა, - ამის შესახებ ნათქვამია განცხადებაში, რომელსაც მედიაომბუდსმენი ავრცელებს.

მედიაომბუდსმენი განცხადებაში 28 აპრილიდან პირველ მაისამდე პერიოდში "უცხოური გავლენის გამჭვირვალობის შესახებ" კანონპროექტის წინააღმდეგ პროტესტის გაშუქებისას დაზარალებულ ჟურნალისტებსა და ოპერატორებზე საუბრობს და სპეციალურ საგამოძიებო სამსახურს სწრაფი გამოძიებისკენ მოუწოდებს.

"ე.წ. რუსული კანონის წინააღმდეგ გამართული საპროტესტო აქციების გაშუქებისას სპეცრაზმელების სამიზნედ კიდევ 10 ჟურნალისტი და ოპერატორი იქცა.

28 აპრილიდან - პირველ მაისამდე პერიოდში:

• სპეცრაზმელმა წიწაკის სპრეი შეასხა TV პირველის ოპერატორს, ნიკო კოკაიას;
• სპეცრაზმმა საქმიანობაში ხელი შეუშალა ონლაინგამოცემა "პუბლიკას" - ჟურნალისტებს ლიკა ზაკაშვილს და მამუკა მგალობლიშვილს;
• სპეცრაზმმა საქმიანობაში ხელი შეუშალა TV პირველის ჟურნალისტებს და ოპერატორებს: ნანუკა ქაჯაიას და დავით ბერაძეს. ასევე, ეშლებოდათ ხელი საქმიანობაში გიორგი შეწირულს, მარიამ მაკასარაშვილს და დიანა ჩირგაძეს;
• სპეცრაზმელებმა სცემეს ონლაინგამოცემა "აი, ფაქტის" ჟურნალისტ რობი ზარიძეს;
• თავდასხმის მსხვერპლი აღმოჩნდა CNews Exclusive • ახალი ამბების ჟურნალისტი, გიგა გელხვიიძე.ჟურნალისტების და ოპერატორების ინტერესების გათვალისწინებით, მედიაომბუდსმენმა მიმართა სპეციალურ საგამოძიებო სამსახურს და სწრაფი გამოძიებისკენ მოუწოდა.

ორგანიზაციამ 2024 წელს რუსული კანონის საწინააღმდეგო პროტესტის გაშუქებისას ჟურნალისტებსა და ოპერატორებზე თავდასხმის 14 შემთხვევის საგამოძიებო უწყებას შეატყობინა, 2023 წლის მარტიდან კი, მედიის მხარდასაჭერად 21 საქმეს აწარმოებს“, - აღნიშნულია განცხადებაში.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ