საქართველოს საგარეო საქმეთა მინისტრი მიხეილ ჯანელიძე  ესტონეთის რესპუბლიკაში ოფიციალური ვიზიტით იმყოფება.

საგარეო უწყების ინფორმაციით, ვიზიტის ფარგლებში 10-11 თებერვალს საგარეო საქმეთა მინისტრი შეხვედრებს გამართავს ესტონეთის რესპუბლიკის პრეზიდენტთან ტოომას ჰენდრიკ ილვესთან, პრემიერ მინისტრთან ტაავი რეივასთან, პარლამენტის პრეზიდენტთან ეიკი ნესტორთან, პარლამენტის საგარეო ურთიერთობათა კომიტეტის თავმჯდომარესთან სვენ მიკსერთან, საგარეო საქმეთა მინისტრთან მარინა კალიურანდთან და მეწარმეთა კავშირის დირექტორთა საბჭოს თავმჯდომარესთან ჰანნო ტომბერგთან.

შეხვედრებზე განიხილავენ საქართველო-ესტონეთის ორმხრივი ურთიერთობებისა და ევროპულ და ევროატლანტიკური სტრუქტურებში ინტეგრაციის საკითხებს.

ესტონეთში ვიზიტის ფარგლებში მიხეილ ჯანელიძე მონაწილეობას მიიღებს საქართველო-ესტონეთის ბიზნეს ფორუმის გახსნის ცერემონიაში. ფორუმში მონაწილეობას მიიღებს საქართველოს ეროვნული საინვესტიციო სააგენტო, ტურიზმის ასოციაცია , სავაჭრო-სამრეწველო პალატა და ათამდე ქართული ბიზნესკომპანიის წარმომადგენელი.

ასევე, ესტონეთის საგარეო პოლიტიკის ინსტიტუტში მიხეილ ჯანელიძე წაიკითხავს საჯარო ლექციას თემაზე:  "Georgia's European and Euro-Atlantic Integration"

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია