2024-03-18 21:44:16, 632 ნახვა
მსოფლიო
პუტინმა რუსეთის მოქალაქეებს „ყირიმის რუსეთის შემადგენლობაში შესვლის“ ათი წლისთავი მიულოცა
მოსკოვში, წითელ მოედანზე სადღესასწაულო კონცერტის სცენიდან რუსეთის პრეზიდენტმა, ვლადიმერ პუტინმა რუსეთის მოქალაქეებს „ყირიმის რუსეთის შემადგენლობაში შესვლის“ ათი წლისთავი მიულოცა. ამის შესახებ ინფორმაციას უკრაინული მედია ავრცელებს.
პუტინმა სცენაზე მიიწვია საპრეზიდენტო არჩევნებში თავისი კონკურენტებიც და მისალოცი სიტყვების შემდეგ, მათ ერთობლივად შეასრულეს რუსეთის ჰიმნი.
„სევასტოპოლელები, ყირიმელები - ისინი ჩვენი სიამაყეა. მათ ათწლეულების განმავლობაში სჯეროდათ ჩვენი ქვეყნის. ისინი არასოდეს დაშორდნენ რუსეთს და სწორედ ამან მისცა ყირიმს ჩვენს საერთო ოჯახში დაბრუნების საშუალება“, - განაცხადა პუტინმა.
ავტორი: ექსპრესნიუსი,
epn.ge (@expressnews.ge)
