2024-02-20 20:26:40, 797 ნახვა
მსოფლიო
ესტონეთში რუსეთის სასარგებლოდ ჯაშუშობაში ბრალდებული ათი პირი დააკავეს
ესტონეთში რუსეთის სასარგებლოდ ჯაშუშობაში ბრალდებული ათი პირი დააკავეს. ამის შესახებ ინფორმაციას ესტონეთის პრემიერ-მინისტრი კაია კალასი სოციალურ ქსელ X-ზე ავრცელებს.
გავრცელებული ცნობილით, დაკავებულები რუსეთის სპეცსამსახურის დავალებით მოქმედებდნენ და მათი მიზანი ესტონეთის საზოგადოებაში შიშისა და დაძაბულობის შექმნა იყო.
„ესტონეთმა წარმატებით შეაჩერა რუსეთის უსაფრთხოების სამსახურის ჰიბრიდული ოპერაცია ჩვენს ტერიტორიაზე. ჩვენ ვიცით, რომ კრემლის სამიზნე ჩვენი დემოკრატიული საზოგადოებაა. ჩვენი პასუხია: იყავით ღია და გამოავლინეთ მათი მეთოდები. ეს არის გზა, რათა შევაჩეროთ მავნე ქმედებები და გავხდეთ გამძლეები“, - წერს კალასი.
ავტორი: ექსპრესნიუსი,
epn.ge (@expressnews.ge)
