2024-02-13 09:36:54, 970 ნახვა
მსოფლიო
ნიუ-იორკში, მეტროსადგურში სროლას ერთი ადამიანი ემსხვერპლა - დაშავებულია 5 პირი
ნიუ-იორკში, ბრონქსში მეტროსადგურ Mount Eden Avenue-ზე სროლა მოხდა, რის შედეგადაც ერთი ადამიანი დაიღუპა და 5 დაიჭრა. ამის შესახებ ინფორმაციას ABCNews-ი ავრცელებს.
პოლიციის ცნობით, დაზარალებულები - 4 კაცი და 2 ქალი, რომელთა ასაკი 14-დან 71 წლამდე იყო, ადგილობრივ საავადმყოფოებში გადაიყვანეს. ერთ-ერთი მათგანი - 34 წლის კაცი სამედიცინო დაწესებულებაში გარდაიცვალა.
პოლიციის ინფორმაციით, სროლა შემთხვევითი არ იყო და კამათი ორ ჯგუფს შორის ერთ-ერთი მატარებლის ვაგონში დაიწყო. სადგურში მატარებლის შესვლის შემდეგ კი, ერთ-ერთმა პირმა ცეცხლი გახსნა.
ავტორი: ექსპრესნიუსი,
epn.ge (@expressnews.ge)
