2024-01-30 14:56:16, 1545 ნახვა
ომი უკრაინაში
რუსმა ოკუპანტებმა დონეცკის ოლქი დაბომბეს - არის მსხვერპლი
რუსმა ოკუპანტებმა დონეცკის ოლქი დაბომბეს. აღნიშნულის შესახებ ინფორმაციას დონეცკის საოლქო პროკურატურა ავრცელებს.
პროკურატურის ცნობით, თავდასხმის შედეგად დაიღუპა ერთი და დაშავდა ერთი ადამიანი.
"რუსეთის არმიამ მირნოგრადზე მორიგი სარაკეტო შეტევა განახორციელდა. წინასწარი მონაცემებით, ოკუპანტებმა დასახლებულ პუნქტზე თავდასხმისას S-300-ის ტიპის სარაკეტო სისტემა გამოიყენეს. 38 წლის კაცი, რომელიც სამსახურიდან სახლში ველოსიპედით ბრუნდებოდა, მტრის თავდასხმის შედეგად დაიღუპა. დაშავდა 50 წლის ქალიც. იგი სისხლჩაქცევებით საავადმყოფოში გადაიყვანეს სამკურნალოდ", - აღნიშნულია დონეცკის საოლქო პროკურატურის ინფორმაციაში.
ავტორი: ექსპრესნიუსი,
epn.ge (@expressnews.ge)
