2024-01-26 11:18:38, 652 ნახვა
პოლიტიკა
საქართველოს დღეს ნიკოლ ფაშინიანი ეწვევა
დღეს, 26 იანვარს საქართველოს სამუშაო ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი ეწვევა. ამის შესახებ ინფორმაციას მთავრობის ადმინისტრაცია ავრცელებს.
ადმინისტრაციის ცნობით, სომხეთის პრემიერს საქართველოს პრემიერ-მინისტრი ირაკლი ღარიბაშვილი უმასპინძლებს.
"ვიზიტის ფარგლებში დაგეგმილია ღარიბაშვილისა და ფაშინიანის პირისპირ შეხვედრა, რომლის შემდეგაც საქართველოსა და სომხეთის რესპუბლიკის პრემიერ-მინისტრების ხელმძღვანელობით საქართველო-სომხეთის მთავრობათაშორისი ეკონომიკური კომისიის სხდომა გაიმართება.
ასევე, დაგეგმილია საქართველოსა და სომხეთის პრემიერ-მინისტრების ერთობლივი განცხადებები",- აღნიშნულია მთავრობის ადმინისტრაციის ინფორმაციაში.
ავტორი: ექსპრესნიუსი,
epn.ge (@expressnews.ge)
