2024-01-08 09:01:36, 960 ნახვა
ომი უკრაინაში
ზელენსკი - NATO უკრაინასთან ერთად ბევრად გაძლიერდება
NATO ბევრად გაძლიერდება უკრაინასთან ერთად, - ამის შესახებ უკრაინის პრეზიდენტი ვოლოდიმირ ზელენსკი X-ზე (ყოფილ Twitter-ზე) წერს.
ზელენსკის თქმით, უკრაინის პრიორიტეტები ყველასათვის ნათელია.
„დღეს მე გავმართე ხანგრძლივი შეხვედრა EU-სთან და NATO-სთან ურთიერთობის შესახებ ამ წლის გეგმებზე. ჩვენი პრიორიტეტები ნათელია: სრულად განვახორციელოთ გადაწყვეტილება უკრაინის EU-ში გაწევრიანების მოლაპარაკებების გახსნის შესახებ, მომზადდეს მოლაპარაკებების ჩარჩო და განვავითაროთ ურთიერთობებისა და კომუნიკაციის სისტემა NATO-ს წევრებთან, რაც საშუალებას მისცემს ყველა სახელმწიფოს და ყველა ლიდერს, აღიაროს, რომ NATO ბევრად გაძლიერდება უკრაინასთან ერთად, როგორც მისი ნაწილი", - წერს ზელენსკი.
ავტორი: ექსპრესნიუსი,
epn.ge (@expressnews.ge)
