2023-12-21 09:54:24, 885 ნახვა

---

ოკუპირებული ცხინვალის ე.წ. უსაფრთხოების სამსახური - 2023 წლის განმავლობაში ე.წ საზღვრის დარღვევის ბრალდებით 500-მდე პირი დავაკავეთ

დროებით ოკუპირებული ცხინვალის ე.წ. უსაფრთხოების სამსახურის (КГБ) ცნობით, 2023 წლის განმავლობაში ე.წ. საზღვრის "დამრღვევი" 500-მდე ადამიანი დააკავეს.

КГБ-ს მტკიცებით, უკანონოდ დაკავებულთა შორის 196-მა ე.წ. სახელმწიფო საზღვარი, ხოლო 251-მა "სასაზღვრო ზონის რეჟიმი" დაარღვია.

"262 პირს დაეკისრა ადმინისტრაციული ჯარიმა, 6 პირი დააჯარიმეს და გააძევეს "სამხრეთ ოსეთის რესპუბლიკიდან", 19 პირი ჯარიმის გარეშე გააძევეს, 138 გააფრთხილეს, 19 სისხლის სამართლის საქმე აღიძრა, 4 პირის მიმართ ადმინისტრაციული წარმოება შეწყდა", - აცხადებენ დროებით ოკუპირებული ცხინვალის ე.წ. უსაფრთხოების სამსახურში.

КГБ-ის ცნობითვე, თითოეულ შემთხვევაზე გამოძიება უკვე ჩატარდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი