ვიწონებ კონცეფციას, რომ "შუა უნდა შეიკრიბოს",- ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.

სააკაშვილი "ლელო საქართველოსთვის" ინიციატივასაც ეხმაურება და აცხადებს, რომ პარტიის მიერ წარდგენილ დერუსიფიკაციის კონცეფციას "მთლიანად ეთანხმება".

"მთლიანად ვეთანხმები "ლელოს" მიერ წამოყენებულ დერუსიფიკაციის კონცეფციას. დერუსიფიკაცია უნდა იყოს სწორედ ის, რაც ყველამ უნდა აკეთოს და რისი გადადებაც იგივეა, რომ რამე მძიმე დაავადება მკურნალობის გარეშე მიუშვა.

რუსული ვირუსი, რომელიც სიკვდილით ემუქრება ჩვენს ეროვნულ ორგანიზმს, მთელი საზოგადოების იმუნიტეტისა და ძალების მობილიზებას საჭიროებს. ამ მობილიზაციაში ყველას თავისი ფრონტი აქვს.

"გამარჯვების კოალიციამ" უნდა გამოავლინოს თავისი საუკეთესო თვისებები, სხვა პარტიებმა - თავისი და ამაში მათ წარმატებას ვუსურვებ. ამიტომ, ასევე ვიწონებ კონცეფციას, რომ "შუა უნდა შეიკრიბოს",- წერს სააკაშვილი "ფეისბუქის" ოფიციალურ გვერდზე.

ცნობისთვის, "ლელომ" რამდენიმე დღის წინ სახელწოდებით, "საქართველოს დაცვის აქტი“ 9-პუნქტიანი გეგმა წარადგინა.

პარტიის თავმჯდომარემ, მამუკა ხაზარაძემ სოციალურ ქსელში დაწერა, რომ "შუა უნდა შეიკრიბოს".

ავტორი: ექსპრესნიუსი,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა