​დასავლეთ საქართველოს საოლქო პროკურატურაში ევროპის ქვეყნების საელჩოების წარმომადგენლებთან შეხვედრა გაიმართა. აღნიშნულის შესახებ ინფორმაციას საქართველოს გენერალური პროკურატურა ავრცელებს.

გენპროკურატურის ცნობით, ღონისძიებას დასავლეთ საქართველოს საოლქო და ქუთაისის რაიონული პროკურატურის წარმომადგენლები, საქართველოში საფრანგეთის, იტალიის, გერმანიის ფედერაციული რესპუბლიკის, ნიდერლანდების სამეფოს, ლატვიის და პოლონეთის რესპუბლიკის საელჩოების პოლიციის ატაშეები და მეკავშირე ოფიცრები ესწრებოდნენ.

„პროკურატურის წარმომადგენლებმა შეხვედრის მონაწილეებს პროკურატურის საქმიანობის სპეციფიკა და ძირითადი მიმართულებები გააცნეს. ყურადღება გამახვილდა ქუთაისის საერთაშორისო აეროპორტში საზღვრის კვეთისას გავრცელებულ დანაშაულებზე და მათზე რეაგირების საკითხებზე. სტუმრებმა თავის მხრივ პროკურატურის წარმომადგენლებს მათი ქვეყნების გამოცდილება გაუზიარეს.

შეხვედრის დასასრულს, მხარეებმა სამომავლო თანამშრომლობის კიდევ უფრო გაღრმავების თაობაზე მზაობა გამოთქვეს“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს