ევროკომისიის პრეზიდენტი ურსულა ფონ დერ ლაიენი და მისი კოლეგები დღეს, 8 ნოემბერს შეიკრიბებიან, რათა ევროკავშირში გაწევრიანების გზაზე 10 ქვეყნის პროგრესი განიხილონ, მათ შორის უკრაინის, მოლდოვისა და საქართველოსი.

როგორც Politico საკუთარ წყაროებზე დაყრდნობით წერს, ევროკომისია საქართველოსთვის ევროკავშირის კანდიდატის სტატუსის მინიჭების რეკომენდაციას გასცემს.

გამოცემის ინფორმაციით, ევროკომისიის წარმომადგენლები უკვე შეთანხმდნენ, რომ რეკომენდაციას გასცემენ უკრაინისა და მოლდოვის ევროკავშირში გაწევრიანებისთვის მოლაპარაკებების დაწყებაზე იმ პირობით, რომ აღნიშნული ქვეყნები კანონის უზენაესობასთან დაკავშირებით შესაბამის რეფორმებს გაატარებენ. 

გარდა ამისა, Politico-ს ინფორმაციით, ევროკომისიის კაბინეტის ხელმძღვანელები ვერ შეთანხმდნენ, დაიწყონ თუ არა გაწევრიანებასთან დაკავშირებული მოლაპარაკებები ბოსნია-ჰერცეგოვინასთან.

ცნობისთვის, დღეს, 8 ნოემბერს ევროკომისია გაფართოების შესახებ ანგარიშს გამოაქვეყნებს.

ანგარიშში განიხილება, საქართველოს მიერ 12 რეკომენდაციის შესრულება, რომლის საფუძველზე ევროპულმა საბჭომ ქვეყნისთვის ევროკავშირის წევრობის კანდიდატის სტატუსის მინიჭების საკითხი უნდა გადაწყვიტოს.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს