ლიბიის პარლამენტი მოითხოვს, იმ სახელმწიფოების ელჩებმა, რომლებიც მხარს უჭერენ ისრაელს, ქვეყანა დატოვონ. ამის შესახებ ინფორმაციას The Times of Israel-ი ლიბიის პარლამენტზე დაყრდნობით ავრცელებს.

როგორც მედია იტყობინება, პარლამენტის ოფიციალურ ვებგვერდზე გამოქვეყნებულ განცხადებაში ნათქვამია, რომ თუ "პალესტინელების ხოცვა-ჟლეტა" არ შეწყდება, პარლამენტი მთავრობას მოსთხოვს, ისრაელის მხარდამჭერი ქვეყნებისთვის ნავთობისა და გაზის ექსპორტი შეწყვიტოს.

„მოვითხოვთ, იმ სახელმწიფოების ელჩებმა, რომლებიც მხარს უჭერენ ისრაელს, დაუყოვნებლივ დატოვონ ტერიტორია [ლიბია]. თუკი, სიონისტური მტრის მიერ ჩადენილი ხოცვა-ჟლეტა არ შეჩერდება, ჩვენ ვთხოვთ ლიბიის მთავრობას, შეაჩეროს ნავთობისა და გაზის ექსპორტი იმ სახელმწიფოებისთვის, რომლებიც მხარს უჭერენ მას“,- ნათქვამია პარლამენტის განცხდებაში.

პარლამენტი ასევე "მკაცრად გმობს აშშ-ის, გაერთიანებული სამეფოს, საფრანგეთისა და იტალიის მთავრობების ქმედებებს" და გამოქვეყნებულ განცხადებაში უთითებს, რომ აღნიშნული ქვეყნები "ღაზას სექტორში ისრაელის დანაშაულებს მხარს უჭერენ, ხოლო მათი ლიდერები ადამიანის უფლებებისა და ხალხების თვითგამორკვევის უფლებაზე ლექციებს ატარებენ".

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა