თქვენ "პატარა კაცები" უწოდეთ იმ ადამიანებს, რომლებმაც თქვენი პრეზიდენტობა უზრუნველყვეს და ჩაგენაცვლნენ ბილბორდებზე,- ასე მიმართა „ქართული ოცნების“ თავმჯდომარემ, ირაკლი კობახიძემ საქართველოს პრეზიდენტს, სალომე ზუტაბიშვილის პარლამენტის პლენარულ სხომაზე, სადაც პრეზიდენტის იმპიჩმენტის საკითხის განხილვა მიმდინარეობს.

კობახიძის თქმით, სალომე ზურაბიშვილს "პატარა კაცი" არ უწოდებია ნიკა გვარამიასთვისაც კი.

"თქვენ "პატარა კაცები" უწოდეთ იმ ადამიანებს, რომლებმაც თქვენი პრეზიდენტობა უზრუნველყვეს და ჩაგენაცვლნენ ბილბორდებზე. რატომ? იმიტომ, რომ არვის არ უნდოდით პრეზიდენტად არც პირველ და არც მეორე ტურში. ყველაფერი გავაკეთეთ იმისთვის, რომ გამხდარიყავით პრეზიდენტი, პატივი ვეცი თქვენი წინაპრების წარსულს, სხვადასხვა გარემოებებს და დღეს სადაც ხართ კი ვხედავთ. ხალხმა თქვენ სხვადასხვა მიზეზით აგირჩიათ. ერთ-ერთი იყო, რომ არ უნდოდათ "ნაციონალი" პრეზიდენტი, თორემ პიროვნულად შეიძლება არაფერს ერჩოდნენ გრიგოლ ვაშაძეს, ნინო ანანიაშვილის ქმარი მაინც არის. 

მე მინდა შეგახსენოთ, რომ რამდენიმე დღის წინ დეპუტატების მიმართ ქალბატონმა სალომე ზურაბიშვილმა - გამოიყენა სიტყვები "პატარა კაცები". მე მინდა შეგახსენოთ, რომ ამ ქალბატონს "პატარა კაცი" არ უწოდებია გვარამიასთვისაც კი თავის დროზე, როდესაც ის მას რეზიდენტად მოიხსენიებდა. უფრო მეტიც, ეს კაცი მერე შეიწყალა. ეს მართლა პატარა კაცი ამ ქალბატონმა შეიწყალა, რომელიც თავის დროზე პრეზიდენტს უწოდებდა რეზიდენტს და დანარჩენს აღარ გავიმეორებ... აქ ხომ რეალურად ჩანს, რაშიც არის საქმე და სად არის ეს ადამიანი პოლიტიკურად - კოლექტიურ "ნაცმოძრაობაში",- განაცხადა კობახიძემ.

ავტორი: ექსპრესნიუსი,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს