2023-10-09 22:21:41, 626 ნახვა
მსოფლიო
„ჰამასი“ - ღაზაში თავდასხმების საპასუხოდ მძევლების სიკვდილით დასჯა დაიწყება
"ჰამასის" სამხედრო სპიკერი აბუ ობეიდა იმუქრება, რომ თუ ისრაელი ღაზის სექტორში მდებარე სამოქალაქო ინფრასტრუქტურაზე იერიშებს გაფრთხილების გარეშე მიიტანს, აყვანილ მძევლებს დახოცავენ.
აბუ ობაიდა ირწმუნება, რომ ისინი ისლამის მცნებების შესაბამისად, კარგად ეპყრობიან მძევლებს და მუქარას ისრაელის გახშირებული გაუფრთხილებელი დარტყმებით ხსნის.
„ამ წუთიდან ჩვენი ხალხისთვის ნებისმიერ დამიზნებას მოჰყვება მძევლების სიკვდილით დასჯა, რომელიც გადაიცემა ვიდეო და აუდიო საშუალებით. ჩვენ ვწუხვართ ამ გადაწყვეტილების გამო, მაგრამ პასუხისმგებლობას ვაკისრებთ ისრაელს და მათ ხელმძღვანელობას“, - განაცხადა „ჰამასის“ სპიკერმა.
ავტორი: ექსპრესნიუსი,
epn.ge (@expressnews.ge)
