შეერთებული შტატები არასოდეს დატოვებს ისრაელს. ჩვენ ყველაფერს გავაკეთებთ იმისთვის, რომ ამ ქვეყნის მოსახლეობამ დაიცვას თავი. - ამის შესახებ, აშშ-ს პრეზიდენტმა ჯო ბაიდენმა საგანგებო მიმართვისას განაცხადა.

პრეზიდენტმა აღნიშნა, რომ ჰამასი თავს დაესხა არა მხოლოდ სამხედროებს, არამედ მოკლა მშვიდობიანი მოსახლეობა, გაიტაცა ქალები, ბავშვები და მთელი ოჯახი. ისრაელს აქვს უფლება უპასუხოს ამ აგრესიას, აშშ-ის ადმინისტრაცია მხარს დაუჭერს მათ გადაწყვეტილებებს.

ბაიდენმა გაიმეორა, რომ სხვა მხარეებს არ შეუძლიათ ისარგებლონ ამ სიტუაციით. მან ასევე გაიხსენა, რომ შეერთებულმა შტატებმა ისრაელის შექმნა მისი დაარსებიდან 11 წუთის შემდეგ აღიარა და ეს პოზიცია არასოდეს შეიცვლება.

ცნობისთვის, დღეს, 7 ოქტომბერს ღაზის სექტორში მოქმედმა ტერორისტულმა დაჯგუფებებმა ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

მოგვიანებით, ტერორისტულმა დაჯგუფება "ჰამასმა", რომელიც ღაზის სექტორს აკონტროლებს, ისრაელის წინააღმდეგ "ოპერაცია ალ-აკსას წარღვნა" გამოაცხადა, რის შედეგადაც ისრაელში 

სულ მცირე 150 ისრაელის მოქალაქე უკვე დაიღუპა და მინიმუმ 1 ათასი დაშავდა, იტყობინება ისრაელის მედია ადგილობრივ ოფიციალურ პირებზე დაყრდნობით.

Al Jazeera, სამედიცინო წყაროებზე დაყრდნობით, იუწყება, რომ მინიმუმ 160 პალესტინელი დაიღუპა ღაზაში ისრაელის საპასუხო თავდასხმების შედეგად. დაშავებულია  1000 ადამიანი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს