2023-10-06 16:04:00, 1483 ნახვა
ომი უკრაინაში
ხარკოვზე ოკუპანტების თავდასხმის შედეგად დაშავებულთა რიცხვი 30-მდე გაიზარდა
ხარკოვზე რუსი ოკუპანტების თავდასხმის შედეგად დაშავებულთა რიცხვი 30-მდე გაიზარდა. აღნიშნულის შესახებ ინფორმაციას ხარკოვის სამხარეო ადმინისტრაციის ხელმძღვანელი ოლეგ სინეგუბოვი ავრცელებს.
სინეგუბოვის განცხადებით, დაშავებულებს შორის18-დან 85-წლამდე ასაკის 20 მამაკაცი და 9 ქალია.
მისივე თქმით, თავდასხმას, ამ დროის მონაცემებით, 2 ადამიანი ემსხვერპლა.
"ადგილზე, სადაც რუსული რაკეტა ხარკოვის საცხოვრებელ კორპუსს მოხვდა, მაშველებმა 68 წლის ქალის ცხედარი იპოვეს. ის გარდაცვლილი10 წლის ბიჭის ბებიაა",- განაცხადა სინეგუბოვმა.
ცნობისთვის, რუსმა ოკუპანტებმა ხარკოვი დღეს, 6 ოქტომბერს დაბომბეს.
ხარკოვის საოლქო პროკურატურის ხელმძღვანელის, ალექსანდრე ფილჩაკოვის განცხადებით, ოკუპანტებმა ხარკოვს "ისკანდერის" ტიპის რაკეტებით შეუტიეს.
ავტორი: ექსპრესნიუსი,
epn.ge (@expressnews.ge)
