2023-10-03 17:38:24, 679 ნახვა
მსოფლიო
4 ოქტომბერს ვლადიმერ პუტინი ასლან ბჟანიას შეხვდება
რუსეთის პრეზიდენტი ვლადიმერ პუტინი ხვალ, 4 ოქტომბერს დროებით ოკუპირებული აფხაზეთის ე.წ. პრეზიდენტს, ასლან ბჟანიას შეხვდება. აღნიშნულის შესახებ ინფორმაციას რუსეთის პრეზიდენტის ადმინისტრაცია ავრცელებს.
ადმინისტრაციის ცნობით, შეხვედრის ფარგლებში ვლადიმერ პუტინი და ასლან ბჟანია ორმხრივი თანამშრომლობის განვითარების საკითხებს განიხილავენ.
„4 ოქტომბერს ვლადიმერ პუტინი მოლაპარაკებებს გამართავს რუსეთში სამუშაო ვიზიტით მყოფ აფხაზეთის რესპუბლიკის პრეზიდენტთან ასლან ბჟანიასთან, დაგეგმილია სხვადასხვა მიმართულებით ორმხრივ სარგებელზე დაფუძნებული თანამშრომლობის შემდგომი განვითარების საკითხების განხილვა",- აღნიშნულია რუსეთის პრეზიდენტის ადმინისტრაციის ინფორმაციაში.
ავტორი: ექსპრესნიუსი,
epn.ge (@expressnews.ge)
