უკრაინა და ნატოს წევრი ქვეყნები დე ფაქტო მოკავშირეები არიან, უკრაინის ალიანსში გაწევრიანება მხოლოდ დროის საკითხია, - ამის შესახებ უკრაინის პრეზიდენტმა, ვოლოდიმირ ზელენსკიმ ნატოს გენერალურ მდივანთან, იენს სტოლტენბერგთან შეხვედრის შემდეგ განაცხადა.

ზელენსკის თქმით, სტოლტენბერგთან შეხვედრაზე განხილვის მთავარი საკითხი რუსული ტერორისგან დაცვა, რუსეთზე ზეწოლა და უკრაინის საჰაერო ფარის გაძლიერება იყო.

"დღეს შედგა საუბარი დე ფაქტო მოკავშირეებს შორის და ეს დროის საკითხია - როდის გახდება უკრაინა ალიანსის წევრი. ჩვენ ყველაფერს ვაკეთებთ იმისთვის, რომ ეს დღე, რაც შეიძლება მალე დადგეს", - განაცხადა ზელენსკიმ.

ცნობისთვის, ნატოს გენერალური მდივანი იენს სტოლტენბერგი მოულოდნელი ვიზიტით კიევში დღეს, 28 სექტემბერს ჩავიდა.

ავტორი: ექსპრესნიუსი,

სოციალური ქსელები

აშშ-მ ახლო აღმოსავლეთში კიდევ 18 F-35A გამანადგურებელი განათავსა

თეირანი ჰორმუზის სრუტის გავლით გადასასვლელად საფასურს დააწესებს მემორანდუმის შესაბამისად

მეწყერის გამო სოფელ მაღაროსკართან ყველა სახის ავტოტრანსპორტის მოძრაობა აკრძალულია

აშშ-მ და ირანმა ომის დასრულების შესახებ შეთანხმებას მოაწერეს ხელი