საქართველოს მომავალი დამოკიდებულია რეფორმებისა და ევროპული ღირებულებების დაცვაზე,- ამის შესახებ ლიეტუვის პრეზიდენტმა, გიტანას ნაუსედამ საქართველოს პრეზიდენტთან, სალომე ზურაბიშვილთან შეხვედრის შემდეგ განაცხადა.

ნაუსედას თქმით, ლიეტუვა საქართველოს ევროინტეგრაციის მტკიცე მხარდამჭერია.

"ქართული საზოგადოების მხარდაჭერა ქვეყნის ევროპული მომავლისადმი ძალიან აშკარაა. ვიმედოვნებ, რომ თქვენი ქვეყანა პროდასავლური გეოპოლიტიკური გადაწყვეტილებებით და ევროპული და ევროატლანტიკური ინტერგრაციისადმი ძალისხმევით გააგრძელებს გზას.

საქართველოს მომავალი ახლა დამოკიდებულია თავის უნარზე, დარჩეს ფოკუსირებული საკუთარ რეფორმებზე და ევროპული ღირებულებების, კერძოდ დემოკრატიის, ადამიანის უფლებებისა და კანონის უზენაესობის დაცვაზე",- განაცხადა ნაუსედამ.

შეგახსენებთ, საქართველოს პრეზიდენტი სალომე ზურაბიშვილი ვილნიუსში ლიეტუვის პრეზიდენტს, გიტანას ნაუსედას გუშინ, 27 სექტემბერს შეხვდა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს