2023-08-16 19:57:35, 1033 ნახვა
მსოფლიო
ნატოს წარმომადგენელი უკრაინასთან დაკავშირებულ განცხადებაზე - ეს არ უნდა მეთქვა, ეს შეცდომა იყო
ნატოს გენერალური მდივნის ოფისის ხელმძღვანელმა, სტიან იენსენმა აღნიშნა, რომ მისი განცხადება იმის თაობაზე, რომ უკრაინამ ნატოში გაწევრიანება შეიძლება მოიპოვოს რუსეთისთვის გარკვეული ტერიტორიის დათმობის სანაცვლოდ, შეცდომა იყო.
„ეს არ უნდა მეთქვა. ეს შეცდომა იყო“, - განაცხადა მან.
იენსენის განცხადებას უკრაინის საგარეო საქმეთა სამინისტროს სპიკერი, ოლეგ ნიკოლენკო გამოეხმაურა.
ოლეგ ნიკოლენკოს თქმით, უკრაინა მიუღებლად მიიჩნევს საუბარს იმის თაობაზე, რომ უკრაინამ ნატოში გაწევრიანება რუსეთისთვის გარკვეული ტერიტორიის დათმობის სანაცვლოდ შეიძლება მოიპოვოს.
ავტორი: ექსპრესნიუსი,
epn.ge (@expressnews.ge)
