2023-08-02 22:02:37, 1015 ნახვა
პოლიტიკა
ზახაროვა ბათუმის აქციაზე - ქვეყნის შიგნით ამ აქციას არანაირი მხარდაჭერა არ ჰქონია
რუსეთის საგარეო საქმეთა სამინისტროს პრესსპიკერი, მარია ზახაროვა ბათუმის პორტში საკრუიზო ლაინერით რუსი ტურისტების ჩამოყვანის გამო გამართულ პროტესტს გამოეხმაურა.
როგორც ზახაროვა აღნიშნავს, საქართველოს მოქალაქეების უმრავლესობა მხარს არ უჭერს "რუსეთის წინააღმდეგ შეკვეთილ პროვოკაციებს, რომლებსაც რადიკალური ქართული ოპოზიცია დასავლელი სპონსორების მოთხოვნით აწყობს".
"ქვეყნის შიგნით ამ აქციას არანაირი მხარდაჭერა არ ჰქონია. ჩვენ ვიღებთ უამრავ მოწოდებას საქართველოს მოქალაქეებისგან, რომლებიც ამბობენ, რომ მათთვის მიუღებელია ეს უაზრო პროვოკაცია", - განაცხადა ზახაროვამ.
ავტორი: ექსპრესნიუსი,
epn.ge (@expressnews.ge)
