თბილისის საქალაქო სასამართლომ ნარკორეალიზატორთა ტრანსნაციონალურ ორგანიზებულ დანაშაულში ბრალდებულ 6 პირს პატიმრობა შეუფარდა. აღნიშნული გადაწყვეტილება მოსამართლე თამარ მჭედლიშვილმა მიიღო.

როგორც სასამართლო პროცესზე ერთ-ერთმა ბრალდებულმა განაცხადა, მისი დაკავება პოლიციის, პროკურატურის და სახელმწიფოს მხრიდან შურისძიებას უკავშირდება.

"ჩემი ამბავი არის წმინდა, ანუ შურისმაძიებლური მოქმედება, მართალი, რომ მათ მე ვუქმნი დისკომფორტს, მათ შორის პოლიციასაც, პროკურატურასაც და მთელ სახელმწიფოსაც. რაშია საქმე, მიკავშირდება მე კლიენტი, ეს კაჯაევა და მთხოვს მაგალითად, მიდი და დაიცავი ეს.

მინდობილობით, რწმუნებილობით საქმის შესრულებას ჰქვია დავალების ხელშეკრულება, დავალებას ვასრულებდი დილას და შემოსავალს ვღებულობდი ამით", - განაცხადა ბრალდებულმა.

შეგახსენებთ, რომ საქართველოს შინაგან საქმეთა სამინისტრომ და საქართველოს გენერალურმა პროკურატურამ ნარკორეალიზატორთა ტრანსნაციონალური ორგანიზებული დანაშაულის გახსნის შესახებ გუშინ, 20 ივლისს განაცხადეს.

პროკურატურის ინფორმაციით, პოლიციის მიერ სხვადასხვა დროსა და ადგილზე, ჩატარებული საგამოძიებო მოქმედებების შედეგად სისხლისსამართლებრივ პასუხისგებაში მიეცა ტრანსნაციონალური ორგანიზებული დანაშაულებრივი ჯგუფის 3 ხელმძღვანელი, ჯგუფის 2 წევრი და ე.წ. 16 დამდები, რომელთა შორის როგორც საქართველოს, ასევე ბულგარეთის და თურქეთის მოქალაქეები არიან.

შსს-ს ცნობით, 18 ივლისს, აჭარაში ჩატარებული საპოლიციო ღონისძიების შედეგად, ორგანიზებული დანაშაულებრივი ჯგუფის 3 ხელმძღვანელ პირს დაუსწრებლად წარედგინა ბრალი, ხოლო მოსამართლის განჩინების საფუძველზე დაკავებულია 3 პირი: საქართველოს მოქალაქეები და მოქმედი ადვოკატები - 1984 წელს დაბადებული მ.ზ. და 1986 წელს დაბადებული ა.ფ., ასევე თურქეთის მოქალაქე 1971 წელს დაბადებული მ.ჩ.

ამასთან, საზღვარგარეთ მყოფ დანაშაულებრივი ჯგუფის ხელმძღვანელ და საქართველოში დაკავებულ პირებს ბრალდება წარედგინათ საქართველოს სისხლის სამართლის კოდექსის 260-ე (ორგანიზებული ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა, შენახვა, გასაღება) და სსკ-ის 194-ე (ორგანიზებული ჯგუფის მიერ უკანონო შემოსავლის ლეგალიზაცია, რასაც თან ახლდა განსაკუთრებით დიდი ოდენობით შემოსავლის მიღება) მუხლებით, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია