ისინი სრულად დაეთანხმნენ ჩვენი მკურნალობის ტაქტიკას, ჩატარებულ კვლევებს,- ამის შესახებ კლინიკა "ვივამედის" კლინიკურმა დირექტორმა, ზურაბ ჩხაიძემ მესამე პრეზიდენტთან, მიხეილ სააკაშვილთან პოლონელი ექიმების ვიზიტის შემდეგ განაცხადა.

როგორც ჩხაიძემ ჟურნალისტებს უთხრა, ექსპრეზიდენტის მდგომარეობა საყურადღებოა, თუმცა ყველა პარამეტრი სტაბილურია.

"გუშინ ჩვენს კლინიკაში ვიზიტით იმყოფებოდნენ პოლონელი კოლეგები - ეს იყო ექიმი-ნეიროქირურგი, ტოქსიკოლოგი და შინაგანი მედიცინის სპეციალისტი. მე და ჩემი კოლეგები ძალიან კმაყოფილი ვართ, კოლეგიალური შეხვედრა იყო, საგნობრივი შეხვედრა იყო. ერთობლივად განვიხილეთ პაციენტის მდგომარეობა, ჩატარებული კვლევები. კოლეგიალური შეხვედრა იყო განსხვავებით წინა ექსპერტებისგან, რომლებიც ჩამოდოდნენ და საერთოდ კომუნიკაცია არ ჰქონდათ, ქართველ ექსპერტებსაც ჩვენი კლინიკის ექიმებთან კომუნიკაცია არ ჰქონიათ. 

რაც შეეხება მიმდინარე მკურნალობას, ისინი სრულად დაეთანხმნენ ჩვენი მკურნალობის ტაქტიკას, ჩატარებულ კვლევებს და სხვა დანარჩენ დეტალებზე, ალბათ, თვითონ გააკეთებენ განცხადებას.

რაც მოგვცეს რეკომენდაციები, ჩვენ ეს გათვალისწინებული გვქონდა, მაგრამ პაციენტი უარს აცხადებდა ჩატარებაზე.

მომატებულია წონაში და ეს ჩვენ გვახარებს. წონაში მატება სადმე გადაყვანაზე არაფერს ნიშნავს. საყურადღებოა მისი მდგომარეობა, თუმცა ყველა პარამეტრი სტაბილურია",- აცხადებს ზურაბ ჩხაიძე.

ცნობისთვის, პოლონელი მედიკოსები კლინიკა "ვივამედში" ექსპრეზიდენტ მიხეილ სააკაშვილის მოსანახულებლად გუშინ, 12 ივლისს შევიდნენ.

ავტორი: ექსპრესნიუსი,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა