2023-07-01 18:57:23, 1225 ნახვა

---

არახამია - საქართველოს ხელისუფლებას არ ესმის პრეზიდენტის სწორი რჩევები, ჩვენ გავიგეთ და დღეს Georgian Airways და მისი მფლობელი დასანქცირებულია

სამწუხაროდ, საქართველოს ხელისუფლებას არასდროს არ ესმის პრეზიდენტის სწორი რჩევები. ჩვენ გავიგეთ და დღეს დასანქცირებულია ავიაკომპანია “ჯორჯიან ეარვეისი” და მისი მფლობელი, - ამის შესახებ უკრაინელმა პოლიტიკოსმა და პარტია ''ხალხის მსახურის'' ლიდერმა დავით არახამიამ განაცხადა.

არახამიამ საქართველოს პრეზიდენტის აპარატსა და უკრაინის უსაფრთხოების საბჭოს დროული რეაგირებისთვის მადლობა გადაუხადა.

''რუსეთის ფედერაციასთან ფრენების აღდგენას ბოიკოტი გამოუცხადა პრეზიდენტმა ზურაბიშვილმა. სამწუხაროდ, საქართველოს ხელისუფლებას არასდროს არ ესმის პრეზიდენტის სწორი რჩევები. ჩვენ გავიგეთ და დღეს დასანქცირებულია ავიაკომპანია “ჯორჯიან ეარვეისი” და მისი მფლობელი.

მადლობა ქ-ონ სალომეს და პრეზიდენტის აპარატს მადლობა უკრაინის უსაფრთხოების საბჭოს დროული რეაგირებისთვის'', - წერს დავით არახამია სოციალურ ქსელში. 

შეგახსენებთ, უკრაინამ ქართულ ავიაკომპანია Georgian Airways-სა და მის დამფუძნებელ, თამაზ გაიაშვილს სანქციები დაუწესა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი