„ღია საზოგადოების ფონდის“ ხელმძღვანელობით, 8 საზოგადოებრივმა ორგანიზაციამ ევროკავშირის რეკომენდაციების შესრულების საკითხზე ანგარიში წარადგინა.

„ღია საზოგადოების ფონდის“ ცნობით, დოკუმენტი ხელისუფლების მიერ 2023 წლის 30 აპრილიდან 15 ივნისამდე პერიოდში ამ მიმართულებით მიღწეულ პროგრესსა და არსებულ გამოწვევებს აფასებს და სამომავლოდ გადასადგმელ ნაბიჯებს განსაზღვრავს.

"სტატუსმესტრის წინა ანგარიშებმა ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ შუალედურ შეფასებასთან. პირობების შესრულების კუთხით, 2023 წლის 30 აპრილიდან 15 ივნისის ჩათვლით  მცირე, თუმცა არასაკმარისი  პროგრესია"- აღნიშნულია ინფორმაციაში.

დოკუმენტის თანახმად, 12 რეკომენდაციიდან სრულად არის შესრულებული მხოლოდ 1 პუნქტი, რომელიც სტრასბურგის სასამართლოს გადაწყვეტილებების გათვალისწინებას ეხება.

მეტწილად არის შესრულებული 2 პირობა - გენდერული თანასწორობა და ორგანიზებული დანაშაულის წინააღმდეგ ბრძოლა. 5 პირობა კი ნაწილობრივაა შესრულებული: დამოუკიდებელი სახალხო დამცველი, მოწყვლადი ჯგუფების დაცვა, ანტიკორუფციული ზომები, დამოუკიდებელი სასამართლო, საარჩევნო ინსტიტუციური რეფორმები. ხოლო შესასრულებელია 4 რეკომენდაცია: დეპოლარიზაცია, დეოლიგაქრიზაცია, სამოქალაქო საზოგადოების ჩართულობა, მედიის თავისუფლება",- აღნიშნულია დოკუმენტში.

მათივე ცნობით, სტატუსმეტრის წინა ანგარიშებმა ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ შუალედურ შეფასებასთან. პირობების შესრულების კუთხით, 2023 წლის 30 აპრილიდან 15 ივნისის ჩათვლით, მცირე, თუმცა არასაკმარისი პროგრესია.

"დაახლოებით ოთხი თვე რჩება იმისთვის, რომ ხელისუფლებამ ეს ისტორიული შესაძლებლობა გამოიყენოს და ევროკომისიის მიერ განსაზღვრული ყველა პირობა შეასრულოს. საზოგადოებრივი ორგანიზაციების წარმომადგენლები აგრძელებენ ხელისუფლების მიერ 12 პირობის შესრულების პროგრესის შეფასებასა და ამ შეფასებების საქართველოს მოქალაქეებისთვის გაზიარებას, რადგან ევროკავშირში გაწევრიანება სწორედ ქართველი ხალხის ურყევი არჩევანია", - აღნიშნავენ ორგანიზაციები.

დოკუმენტში თავმოყრილია შემდეგი ორგანიზაციების შეფასებები: "ღია საზოგადოების ფონდი", "დემოკრატიის კვლევის ინსტიტუტი", "სასამართლოს გუშაგი", "საქართველოს დემოკრატიული ინიციატივა", "საქართველოს სტრატეგიისა და საერთაშორისო ურთიერთობების კვლევის ფონდი", "მმართველობის მონიტორინგის ცენტრი", "საქართველოს რეფორმების ასოციაცია", "პარტნიორობა ადამიანის უფლებებისთვის", "საფარი".

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა