2023-06-16 17:21:34, 1042 ნახვა
პოლიტიკა
დროებით ოკუპირებული აფხაზეთის ე.წ. მთავრობამ და რუსეთმა სოხუმის აეროპორტის აღდგენის შესახებ შეთანხმებას ხელი მოაწერეს
დროებით ოკუპირებული აფხაზეთის ე.წ. ეკონომიკის მინისტრმა, ქრისტინა ოზგანმა და რუსეთის ეკონომიკის მინისტრმა, მაქსიმ რეშეტნიკოვმა სოხუმის აეროპორტში აქტივობების გაგრძელების შესახებ შეთანხმებას ხელი მოაწერეს. ამის შესახებ ინფორმაციას აფხაზური გამოცემა Apsnypress ავრცელებს.
გამოცემის ცნობით, დოკუმენტს ხელი სანქტ პეტერბურგის XXVI საერთაშორისო ეკონომიკურ ფორუმზე მოეწერა.
ხელშეკრულებაში ნათქვამია, რომ საინვესტიციო პროექტს აეროპორტის საქმიანობის აღდგენისა და შემდეგი ოპერირებისთვის "რუსული იურიდიული პირი" განახორციელებს.
ავტორი: ექსპრესნიუსი,
epn.ge (@expressnews.ge)
