საქართველოს პრემიერ-მინისტრს ვერავინ ვერსად ვერ დაიბარებს და ვერავინ ვერავითარ წამზომს ვერ ჩაურთავს,- ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

კობახიძის თქმით, აღნიშნული ადრეც ხდებოდა, როდესაც 2008 წელს საქართველოს მესამე პრეზიდენტს, მიხეილ სააკაშვილს იბარებდნენ და რაღაცეებს ავალებდნენ.

"საქართველოს პრემიერ-მინისტრი გერმანიის პრემიერ-მინისტრმა დაიბარა, მეტყველებს კოლექტიური „ნაცმოძრაობის“ დამოკიდებულებაზე საკუთარი ქვეყნის მიმართ.ეს არის ერთადერთი რამის დასტური, რომ „ნაცმოძრაობა“ თავისი ამ პოლიტიკური პარტიებით, „ენჯეოებით“ და ტელევიზიებით არის ერთადერთი რამ, უცხოური აგენტურა,

თავის დროზე, 2008 წელს იბარებდნენ სააკაშვილს და რაღაცეებს ავალებდნენ. ასეთი რაღაცეები ხდებოდა მაშინ, მაგრამ დღეს საქართველო არის სუვერენული სახელმწიფო, შესაბამისად, დღეს განსხვავებით წინა ხელისუფლებისგან, საქართველოს პრემიერ-მინისტრს ვერავინ ვერსად ვერ დაიბარებს და ვერავინ ვერავითარ წამზომს ვერ ჩაურთავს",- განაცხადა კობახიძემ.

შეგახსენებთ, რომ საქართველოს პრემიერ-მინისტრი ირაკლი ღარიბაშვილი გერმანიის ფედერალურ კანცლერს, ოლაფ შოლცს ბერლინში, სამუშაო ვიზიტის ფარგლებში გუშინ, 9 ივნისს შეხვდა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის