ALDE-ს განცხადებას არ გავცნობივარ და ვფიქრობ, არცაა საინტერესო. სადაც სიცრუეა, ბუნებრივია, ვერც ალდე და ვერც მალდე ამას ვერ გადაფარავს,- ამის შესახებ "ქართული ოცნების" დეპუტატმა, ალუდა ღუდუშაურმა განაცხადა.

ღუდუშაურის თქმით, ALDE-ს რეზოლუციას არაფერი აქვს საერთო ობიექტურ რეალობასთან, საქართველოსა და ქართველი ხალხის ინტერესთან.

"ALDE-ს განცხადებას არ გავცნობივარ და ვფიქრობ, არცაა საინტერესო ერთი მარტივი მიზეზიდან გამომდინარე, ჩვენ ყველანი მივეჩვიეთ, რომ ბუნებრივია, ამ ყველაფერს საერთო არ აქვს არც ობიექტურ რეალობასთან, არც საქართველოს ინტერესთან, არც ქართველი ხალხის ინტერესთან.

ALDE-ს განცხადება არის ხაბეიშვილის მიერ არ ვიცი, ქართულად თუ "ქურქუმალვაითურათ" დაწერილი რაღაც ტექსტი, რომელსაც ცდილობს, რომ ALDE-დ... გინდა ALDE-ს ხელმოწერა ახლდეს, ან ბეჭედი ჰქონდეს დასმული ან ნებისმიერი  სხვა, სადაც არის აცდენილი რეალობა, სადაც სიცრუეა, ბუნებრივია, ვერც ალდე და ვერც მალდე ამას ვერ გადაფარავს",- განაცხადა ღუდუშაურმა.

შეგახსენებთ, რომ 28 მაისს, „სტრატეგია აღმაშენებელმა“ EU-სა და NATO-ში ინტეგრაციის შესახებ რეზოლუცია წარადგინა, რომელსაც "ევროპის ლიბერალთა და დემოკრატთა ალიანსმა" (ALDE) მხარი დაუჭირა.

რეზოლუცია მოუწოდებს საქართველოს მთავრობას, შეწყვიტოს რუსეთთან „ფლირტი“.

რეზოლუცია ასევე მოუწოდებს მმართველ პოლიტიკურ გუნდს, შეწყვიტოს ევროკავშირსა და ნატო-ში ინტეგრაციის პროცესის საბოტაჟი ევროკომისიის მიერ დადგენილი 12 რეკომენდაციის არშესრულებით.

ავტორი: ექსპრესნიუსი,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო