ბაზისბანკი, როგორც ქართული ბიზნესის ერთ-ერთი უმსხვილესი დამფინანსებელი, აგრძელებს დეველოპერული და სამშენებლო სექტორის მხარდაჭერას. ამჯერად, ბანკთან პარტნიორობით, თბილისის ყველაზე მოთხოვნად უბანში, დიდ დიღომში, სტრაბონის ქ. 40, დეველოპერული კომპანია ბილდერზი 12 სართულიან საცხოვრებელ კომპლექსს აშენებს. 

პროექტის ჯამური ღირებულება 4 მილიონი აშშ დოლარია, ბანკის მიერ გაწეული ფინანსური მხარდაჭერა კი 3 მილიონ აშშ დოლარამდე შეადგენს.

საერთაშორისო სტანდარტების კომპლექსის მშენებლობა მოიცავს 2800 კვ. მ. მიწის ფართობზე, უსაფრთხო გარემოში მდებარე 144 ბინიან საცხოვრებელ კომპლექსს ღია და დახურული ავტოსადგომით, რომელიც აერთიანებს კომერციულ, საოფისე და საცხოვრებელ ფართებს. „ბილდერზ დიდი დიღომი" უზრუნველყოფილია 1000 კვ. მ. გამწვანებული და კეთილმოწყობილი ეზოთი, საბავშვო და მოსასვენებელი სივრცეებით.

საცხოვრებელი კომპლექსის მშენებლობა მიმდინარე წლის დეკემბერში სრულდება და 45 კვ.მ-დან საცხოვრებელი და საოფისე ფართები, მწვანე კარკასის კონდიციაში ბარდება მომხმარებელს. ბინის შეძენის მსურველებს შეუძლიათ ისარგებლონ ბაზისბანკის გამარტივებული იპოთეკური სესხით. განაცხადის შევსება შესაძლებელია ონლაინ.

„კომპანია "ბილდერზი" შექმნილია ძლიერ ფინანსურ ბაზაზე, მრავალი ათეული წლის გამოცდილების მქონე გუნდისგან და ისევე როგორც ყველა პროექტი, სახლი დიდ დიღომშიც სრულად დაფინანსებულია წინასწარ. „ბილდერზ დიდი დიღომი" წარმოადგენს 12 სართულიან საცხოვრებელ სახლს, რომლის განხორციელებაც ბაზისბანკის ძლიერი და პროფესიონალთა გუნდის მხარდაჭერით შევძელით. მოხარული ვარ, რომ ბაზისბანკთან პარტნიორობით ისეთ მნიშვნელოვან პროექტს ვახორციელებთ, რომელიც  გამოირჩევა მაღალი სანდოობით და ჩვენს მობინადრეებს ეკოლოგიურად სუფთა მასალებით აშენებულ, უსაფრთხო საცხოვრებელ გარემოს ვთავაზობთ“, - განაცხადა ბილდერზის მმართველმა პარტნიორმა, გიორგი არველაძემ.

„ბაზისბანკის ერთ-ერთ პრიორიტეტულ მიმართულებას სამშენებლო სექტორის მხარდაჭერა წარმოადგენს. მსგავსი პროექტების განხორციელება მნიშვნელოვანია როგორც მთლიანად ქვეყნისთვის, ასევე ხელს უწყობს სამშენებლო სექტორის განვითარებასა და ეკონომიკის გაძლიერებას. მოხარული ვარ, რომ ვთანამშრომლობთ ისეთ კომპანიასთან, რომელიც მომხმარებელში მაღალი სანდოობით გამოირჩევა და გვეამაყება, რომ ჩვენთან პარტნიორობით, კიდევ ერთი წარმატებული პროექტი ხორციელდება, რომელიც დადებითად აისახება ზოგადად ბიზნეს გარემოზე“, - აღნიშნა ბაზისბანკის კომერციულმა დირექტორმა, გიგი გაბუნიამ. 

ავტორი: R (რეკლამა),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა