ნატო შეიძლება გახდეს უკრაინის უსაფრთხოების გარანტი, მაგრამ ალიანსში გაწევრიანება შესაძლებელია მხოლოდ ომის დასრულების შემდეგ, - ამის შესახებ ესტონეთის პრემიერ-მინისტრმა, კაია კალასმა კიევში ვიზიტისა და უკრაინის პრეზიდენტ ვოლოდიმირ ზელენსკისთან შეხვედრის შემდეგ განაცხადა.

როგორც კალასმა აღნიშნა, ზელენსკის ყველაზე მეტად საბრძოლო მასალისა და იარაღის მიწოდების, ასევე ნატო-სა და ევროკავშირში გაწევრიანების საკითხები აწუხებს.

"მათ (უკრაინელებმა) შეიტანეს განაცხადი და ნატო-მ უნდა უპასუხოს ამ განცხადებას. თუ საუბარია უკრაინის უსაფრთხოების გარანტიების მიცემაზე, მაშინ უსაფრთხოების ერთადერთი გარანტია, რომელიც ნამდვილად მუშაობს, არის ნატო-ში გაწევრიანება", - თქვა კალასმა.

პრემიერ-მინისტრმა ხაზგასმით აღნიშნა, რომ ესტონეთი ნატო-ს წევრ ქვეყნებს უკრაინის წევრობის მკაფიო პერსპექტივის მიწოდების აუცილებლობაში არწმუნებს, თუმცა ეს მხოლოდ ომის დასრულების შემდეგ შეიძლება მოხდეს.

ავტორი: ექსპრესნიუსი,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი